Pas aksidentit në Kroaci ku mbetën të vdekur 10 persona dhe u lënduan dhjetëra të tjerë janë lënduar, disa bashkatdhetarë janë mobilizuar për t’iu dalë në ndihmë të lënduarve që u sollën në spitalin e Slavonski Brodit.

Kështu deklaroi në një intervistë për Klan Kosova Lazër Kajtazi, i cili jeton dhe punon në Kroaci.

“Disa nga bashkatdhetarët kanë ardhur dhe janë interesuar për familjarët e tyre. Disa prej tyre i kemi gjetur dhe i kemi kontaktuar. Kemi ardhur për të iu dalë në ndihmë aq sa kemi mundësi bashkatdhetarëve”.

Kajtazi tha se policia nuk ka arritur që t’i identifikojë të lënduarit që u sollën në spital pasi ata nuk kishin dokumente të identifikimit me vete.

“Shumë e të lënduarve në spital nuk janë të identifikuar por janë shëndosh. Katër persona janë në gjendje më të dobët. Nuk i kemi emrat e të gjithëve. Policia nuk ka mundur t’i identifikojë sepse nuk kanë pasur dokumentacione me vete. Ashtu edhe siç tha policia po shpresojnë që brenda dy orësh të japin edhe këto shënime”.