Ambasada e Kosovës në Itali bën thirrje që shtetasit kosovarë t’i shmangin ambientet publike

Prishtinë | 09 Mar 2020 | 09:14 | Nga Ekonomia Online

Ambasada e Kosovës në Itali iu ka bërë thirrje shtetasve kosovarë t’i reduktojnë lëvizjet dhe fluksin në zyrat dhe ambientet publike.

Sipas një njoftimi në faqen e tyre zyrtare në Facebook, ata thonë se Ambasada do të jetë në gatishmëri të qytetarëve që kanë nevojë për shërbime.

“Në kuadër të dispozitave dhe masave të Qeverisë italiane lidhur me emergjencën e krijuar nga COVID-19, dhe për sigurinë e të gjithë shtetasve kosovarë dhe të stafit të Ambasadës së Republikës së Kosovës në Romë, i bëjmë thirrje shtetasve tanë që të reduktojnë lëvizjet dhe fluksin në zyrat dhe ambientet publike, duke qëndruar në shtëpi pranë familjeve”, thuhet në njoftim, transmeton KOHA.

Ata tutje kanë vendosur numrat e telefonit përmes të cilëve qytetarët mund ta kontaktojnë ambasadën.

“Luteni, për çdo emergjencë, telefononi tek numri në dispozicionin tuaj 24/7: + 39 327 452 6991”.

“Në këto momente duhet të jemi të gjithë më solidarë, ta respektojmë dhe ruajmë shëndetin e njëri-tjetrit”, thuhet në njoftimin e Ambasadës e Kosovës në Itali.

Fjalë Kryesore:

Të ngjashme