Pjesëtarë të Agjencisë Shtetërore për Hetime e Mbrojtje të Bosnjës e Hercegovinës (SIPA) kanë arrestuar sot në Sarajevë gjeneralin e Armatës së BeH Ramiz Drekoviqin, me kërkesë të Prokurorisë së BeH i dyshuar për krime lufte në bazë të përgjegjësisë komanduese, raportojnë mediat e atjeshme, transmeton Koha.net.

Gjenerali Drekoviq ishte komandant i Korpusit të Pestë të Ushtrisë së BeH, që gjatë luftës kishte vepruar në territorin veriperëndimor të Bosnjës, përkatësisht të Krahinës së Cazinit.