Dëme të mëdha janë shkaktuar në njërin nga baret më të frekuentuara në Prishtinë “Strip Depo”, por ende nuk janë bërë të ditura motivet, shkruan EkonomiaOnline.
Përfaqësuesit e këtij biznesi nuk kanë dashur të prononcohen derisa Policia e Kosovës tregon se nuk ka pasur të lënduar.
“Sot rreth orës 01:00 kemi pranuar informatën për një incident zjarri në rrugën ‘Rexhep Luci’ në Prishtinë,” tha për EO zëdhënësja e Policisë së Kosovës për Rajonin e Prishtinës, Flora Ahmeti.
Ajo shton se me rastin janë marr njësitet e nevojshme policore dhe zjarrfikësit, të cilët kanë lokalizuar zjarrin.
“Raportohet vetëm për dëme materiale, nuk ka persona të lenduar,” bënë të ditur Ahmeti.