Ministri i Financave, Hekuran Murati, ka njoftuar se ka nënshkruar një Udhëzim Administrativ të ri që lidhet me arkat fiskale, duke hapur rrugën për digjitalizimin e tyre në të gjithë vendin.

Sipas Muratit, ky udhëzim mundëson që arkat fiskale tradicionale të zëvendësohen me zgjidhje digjitale, të cilat pritet të jenë më të lira dhe më të lehta për t’u përdorur nga bizneset. Ai theksoi se ky hap synon të reduktojë kostot operative për ndërmarrjet dhe të thjeshtojë proceset e raportimit financiar.

“Arkat fiskale do të bëhen digjitale, me kosto më të lirë e më miqësore për bizneset,” deklaroi Murati, duke shtuar se kjo reformë është pjesë e përkushtimit të qeverisë për të mbështetur sektorin privat.