Gazmend Hoxha, drejtor i përgjithshëm i Policisë së Kosovës, në një intervistë në emisionin “Tempus” në KTV, tha se niveli i sigurisë është më i lartë pas rastit të sulmit në Banjskë dhe se qytetarët besojnë më shumë në Polici.
“Situata e sigurisë por dhe niveli i sigurisë që ofrohet sot në pjesën veriore është shumë më i mirë dhe ka siguri më shumë se që ka pas para datës 24, do të thotë këtë nuk është konstatim i imi, por që është konstatim që e mbështes në fakte dhe dëshmi. Ne kemi policë të Policisë së Kosovës në çdo statcion policor të veriut të vendit, duke filluar me punën dhe funksionimin e drejtorisë policore në veri. Stacioni policor në veri të Mitrovicës në Zubin Potok, në Leposaviq edhe në Zveçan. Po ashtu, çdo stacion policor ka njësitë e tij patrolluese, njësitë e hetimeve dhe për çdo shërbim të qytetarëve që qytetarët e kërkojnë,ne
i ofrojmë sot. Do të thotë, edhe qytetarët kanë fillu të besojnë edhe më shumë në Policinë e Kosovës, çdo natë ka raste të raportuara në polici”, tha Hoxha.
Hoxha tha se ka edhe policë të policisë kufitare, që kryejnë detyrat në pikat kuifitare në Bërnjak dhe Jarinjë.