Ekstradohen nga Gjermania dhe Franca dy të kërkuar për “vrasje në tentativë” në Kosovë

Policia e Kosovës ka njoftuar se, përmes Drejtorisë për Bashkëpunim Ndërkombëtar Policor dhe në koordinim me institucionet e drejtësisë, më 23 dhe 24 prill 2026 është realizuar me sukses ekstradimi i të dyshuarve, të cilët kërkoheshin përmes INTERPOL-it.

“Policia e Kosovës, përkatësisht Drejtoria për Bashkëpunim Ndërkombëtar Policor, në koordinim dhe bashkëpunim me njësitet tjera relevante të Policisë së Kosovës dhe institucionet e drejtësisë, me datat 23 dhe 24 prill 2026, kanë realizuar me sukses ekstradimin e dy personave të kërkuar nga drejtësia, të cilët ishin të shpallur në kërkim ndërkombëtar përmes INTERPOL-it. Të dyshuarit kërkoheshin për dy raste të ndara ‘Vrasje në tentativë’”, thuhet në njoftim.

Sipas policisë, të dyshuarit ishin arrestuar më herët nga autoritetet në Gjermani dhe Francë, ndërsa ekstradimi i tyre është bërë në përputhje me ligjet në fuqi dhe në bashkëpunim të ngushtë ndërinstitucional.

“Paraprakisht të dyshuarit ishin arrestuar nga autoritete e shteteve përkatëse në Gjermani dhe Francë dhe ekstradimet u realizuan bazuar në ligjet në fuqi dhe bashkëpunimit të ngushtë mes institucioneve të Republikës së Kosovës dhe shteteve prej nga u ekstraduan të kërkuarit”, thuhet më tej në njoftim.