Emrat e kandidatëve për drejtor të burgjeve shkojnë në Qeveri

Prishtinë | 25 Pri 2018 | 08:18 | Nga

Konkursi kishte nisur që nga prilli i vitit 2017, ndërsa tani tre emrat që i janë propozuar Zyrës së Kryeministrit janë: ushtruesi i detyrës së drejtorit të përgjithshëm të SHKK-së dhe drejtori aktual i burgut të Sigurisë së Lartë Rasim Selmani, ish-kryeshefi i Inspektoratit Policor të Kosovës Enver Rrustemi, si dhe drejtori i Policisë për rajonin e Mitrovicës Nehat Thaçi, shkruan sot Gazeta “Zëri”.

Për të katërtën herë Ministria e Administratës Publike ka arritur t’i përzgjedhë tre emrat e kandidatëve më të suksesshëm për pozitën e drejtorit të përgjithshëm të Shërbimit Korrektues (SHKK).

Konkursi kishte nisur që nga prilli i vitit 2017, ndërsa tani tre emrat që i janë propozuar Zyrës së Kryeministrit janë: ushtruesi i detyrës së drejtorit të përgjithshëm të SHKK-së dhe drejtori aktual i burgut të Sigurisë së Lartë Rasim Selmani, ish-kryeshefi i Inspektoratit Policor të Kosovës Enver Rrustemi, si dhe drejtori i Policisë për rajonin e Mitrovicës Nehat Thaçi.

Ministri i Drejtësisë, Abelard Tahiri, i ka thënë gazetës “Zëri” se emrat e tre kandidatëve më të suksesshëm janë dërguar në Zyrën e Kryeministrit dhe tani i mbetet Kryeministrisë të vendosë kur do ta qesë në rend dite këtë çështje.

Ai thotë se ka kërkuar që sa më parë të hyjë në rend ditë çështja e përzgjedhjes së të parit të Shërbimit Korrektues të Kosovës.

 

Fjalë Kryesore:

Të ngjashme