Fajësimi i qeverive të kaluara për katastrofën e tanishme – pafytyrësi

Publicisti i njohur Milazim Krasniqi thotë se përpjekjet e qeverisë Kurti 2, për ta arsyetuar katastrofën e tashme energjetike me qeveritë e kaluara, thjesht janë pafytyrësi.

“Këtë blof-arsyetim mund ta marrin si të mirëqenë vetëm budallenjtë”, ka shkruar Krasniqi, në një postim në Facebook.

“Nga dita kur e merr mandatin një qeveri, përgjegjësia për qeverisje është vetëm e saj”.

“Përgjegjësitë e qeverive të kaluara, i përkasin vetëm historisë, ose gjyqësorit. Prandaj, përpjekjet e qeverisë Kurti 2, për ta arsyetuar katastrofën e tashme energjetike me qeveritë e kaluara, thjesht janë pafytyrësi”, ka shkruar Krasniqi.

Në një postim të mëhershëm, ai ka bërë të ditur se në lagjen e tij nuk ka rrymë nga ora 1 e natës (pra qe 13 orë).