Gjashtë persona kanë mbetur të lënduar në një aksident që ndodhi mes katër automjeteve në fshatin Gllarevë të Pejës.
Sipas zëdhënësit të policisë për rajonin e Pejës, Fadil Gashi, aksidenti ndodhi rreth orës 13:15 dhe të lënduarit u dërguan menjëherë për trajtim mjekësor në Spitalin Rajonal të Pejës.
Policia po heton për shkaqet e aksidentit.
“Policia është njoftuar në 13:15 se në Gllarevë ka ndodhur një aksident. Në aksident janë përfshirë katër automjete dhe janë lënduar gjashtë persona. Personat e lënduar janë dërguar për tretman mjekësor në Spitalin Rajonal të Pejës”, tha Gashi.