Emisari i posaçëm i ish-Presidentit Trump për dialogun Kosovë-Serbi, Richard Grenell, ka shpërndarë në “X” deklaratën e zëdhënësit të BE-së, Peter Stano, i cili goditi aksionin e policisë që u zhvillua një ditë më parë në veri.

“BE-ja kritikon sërish lidershipin e Kosovës”, nis deklarata e Grenell.

“Ekipi i Albin Kurtit dhe Vjosa Osmanit është kritikuar rregullisht nga administrata e Bidenit dhe të gjitha qeveritë perëndimore. Vetëm javën e kaluar Italia, Franca dhe Gjermania i dërguan një letër zhgënjimi Kurtit”, shkruan Grenell.

“Derisa ne vazhdojmë t’i bëjmë thirrje Serbisë që të largohet nga Rusia dhe Kina dhe t’i afrohet Perëndimit, Kosova po largohet nga Perëndimi”, shprehet Grenell.

“Një tjetër rrëmujë e krijuar nga dobësia e Joe Biden”, përfundon ai.