Haradinaj i pikëlluar për vdekjen e të riut në Mitrovicë, kërkon hetimin e rrethanave

Kryeministri Ramush Haradinaj është shprehur i pikëlluar për vdekjen e të riut Visar Behrami nga shembja e objektit në Mitrovicë.

Ai ka kërkuar që të hetohen të gjitha rrethanat që e kanë shkaktuar këtë incident.

“Ngushëllimet më të sinqerta familjes së të ndjerit. Iu bëj thirrje institucioneve relevante të hetojnë saktë të gjitha rrethanat e këtij incidenti dhe të çojnë para drejtësisë shkaktarët e tij”.

Mbrëmë pas gjashtë orë kërkimesh është gjetur pa shenja jete trupi i Visar Behramit nën gërmadhat nga shembja e ish-hotelit “Adriatik” në Mitrovicë.