Hoxhaj për vdekjen e Chirac: Ishte pranë Kosovës në kohërat më të vështira

Zëvendëskryeministri në detyrë i Kosovës, Enver Hoxhaj, ka ngushëlluar popullin francez pas vdekjes së ish-presidentit të Francës, Jacques Chirac.

Nëpërmjet Twitter-it Hoxhaj Hoxhaj, ka thënë se Kosova i është mirënjohëse atij dhe shtetit të Francës për përkrahjen që ka marrë vendi në kohën më të vështirë.

Ish kryediplomati i Kosovës nëpërmjet një shkrimi në gjuhën frënge, ka thënë se ish-presidenti i Francës iu është gjetur Kosovës afër në kohërat më të vështira, në luftën e vitit 1999.