Hyseni: Strukturat e sigurisë janë në nivel, bllokada në Kuvend nuk ndikon në siguri

Deputeti i VV-së, Driton Hyseni, ka deklaruar se pavarësisht bllokadës në Kuvend, të gjitha mekanizmat e sigurisë në Kosovë janë duke vepruar në përputhje me detyrat e tyre, raporton Ekonomia Online.

“Qoftë në veri apo në pjesë tjera të territorit, institucionet e sigurisë janë në nivel të detyrës dhe po punojnë me tërë kapacitetin,” tha Hyseni, duke shtuar se procesi i konstituimit të Kuvendit nuk ndikon në funksionimin e strukturave të sigurisë.