Kërkohet maturi në deklarimet publike të subjekteve politike

Prishtinë | 28 Maj 2020 | 17:53 | Nga Skender Berisha

Jemi dëshmitar të një diskursi politik, në pritje të vendimit të gjykatës kushtetuese, një vendim krucial që ka të bëjë me të ardhmen politike të vendit dhe drejtimit të saj. 
Kemi një situatë serioze politike në vend, një situatë që don maturi dhe vendosmëri, të mos bëhet trysni ndaj atyre që mendojnë ndryshe, pasi që shtensionimi do të ishte një nga vetë zgjidhjet që kërkohet për momentin para vendimit të Gjykatës kushtetuese. 

Kërkohet nga subjektet politike të jenë sa më të arsyeshëm në deklarimet e tyre, të jenë kontribues në demokracinë edhe ashtu të brishtë, të deklarohen se njohin dhe respektojnë shtetin ligjor bashkë me vendimet e saj, ta duan vendin tonë pa marrë parasysh se kush qeverisë, si dhe ta pranojnë vendimin e Gjykatës kushtetuese pa marrë parasysh se si do të jetë, thekson Skender Berisha.

Debatet e njëpasnjëshme në media, natyrisht se i kontribuojnë demokracisë në vend ato janë të mirëseardhura gjithmonë, por debatet me tendecë, shkrimet në portale me prapavijë, janë qartë të dukshme se kanë për qëllim ndikimin, prandaj shikuar nga ky këndvështrim Berisha kërkon maturi, të shmangen deklarimet me qëllimin e vetëm që të ndikojnë rreth qështjes që ka të bëjë me vendimin e Gjykatës kushtetuese.

Berisha kërkon që t’i lihet në dorë gjykatës kushtetuese të kryejë punën e saj.

Së fundi edhe ambasada e ShBA-së bëri një deklarim ku u tha se respektimi i vendimeve gjyqësore nuk është opsion, por është çështje kyçe për demokracinë kosovare. 

Me këtë rast Berisha deklaron të shpresojmë se partitë politike do të kenë kujdes dhe do të pranojnë vendimin e Gjykatës kushtetuese ashtu si ajo vendos.

Të ngjashme