Konjufca do ta dërgojë në Komisionin e Venecias Projektligjin për Byronë

Kryetari i Kuvendit, Glauk Konjufca, do ta dërgojë në Komisionin e Venecias Projektligjin për Byronë Shtetërore, raporton Ekonomia Online.

Fillimisht, partitë opozitare paraqitën kërkesën që të adresohet ky Projektligj në Komisionin e Venedikut.

“Si kryetar i Kuvendit këtë projektligj do t’ia drejtojë Komisionit të Venedikut”, ka thënë ai.

Konjufca dha garancinë si kryeparlamentar që do ta shtyjë atë përpara.