Programi i Kombeve të Bashkuara për Zhvillim (UNDP) ka publikuar të dhënat e Pulsit Publik bazuar në intervistat e realizuara gjatë muajit prill 2023. Në leximin e të dhënave të këtij Pulsi Publik vërehet një shpërputhje e madhe në mes pëlqyeshmerisë që të anketuarit kanë treguar për punën e institucioneve të Kosovës, kryeministrit Albin Kurti e presidentes Osmani dhe në mes të opinionit të tyre për drejtimin politik dhe ekonomik të vendit.

Në të dhënat që ka publikuar sot UNDP, mesatarisht 45.8 % e të anketuarve janë shprehur të kënaqur me punën e institucioneve qendrore. Kënaqëshmëria me performancën e kabintetit ekzekutiv ka shkuar në 45.8 %

Tutje, kënaqshmëria me punën e kryeministrit Albin Kurti ka shkuar në 51.%, 6.6 pikë të përqindje më lartë se në nëntorin e vitit 2022. 

Niveli i kënaqshmërisë me Presidenten Vjosa Osmani ka kapur vlerën 60.3%, krahasuar me 56.8% në nëntor 2022.

Të anketuarit janë shprehur të kënaqur edhe me punën e Kuvendit dhe atë të kryetarit të Kuvendit. Kënaqshmëria me punën e Kuvendit kapi vlerën prej 46.5%, ndërsa kënaqshmëria me kryetarin e Kuvendit të Kosovës ishte 58.3%, raporton Express.

Megjithatë, kjo pëlqyeshmëri për punën e Qeverisë, Kurtit, Osmanit e Konjufcës, nuk reflektohet tek drejtimi politik e ekonomik që po merr vendi.

Numri i atyre që janë shprehur të pakënaqur me drejtimin politik të vendit është jashtëzakonisht i lartë dhe kap vlerën 45.60 %. Pakënaqëshmëria me drejtimin politik që po merr vendi ka shkuar duke u rritur në vazhdimësi që nga viti 2021 kur Qeveria Kurti II ka ardhur në pushtet. Në nëntor 2021 ka pakënqashmëria ka qenë 33.18 %, në prill 2022 ka shkuar në 42.64 %, në nëntor 2022 në 44.40, dhe prill 2023 është ngritur në 45.60 %.

Ndërkohë edhe numri i atyre që janë shprehur të kënaqur më drejtimin politik të vendit ka shënuar një rënie prej 7 %, nga nëntori 2021 deri në prill 2023.

Gjithashtu situatë e njëjtë është edhe tek drejtimi ekonomik që po merr vendi. Numri i të pakënaqurve nga 44.59% sa ka qenë në nëntor 2021, në prill të vitit 2023 ka shkuar në 57.9%.

Edhe numri i atyre që janë shprehur të kënaqur me drejtimin ekonomik që po merr vendi ka shënuar rënie. Në nëntor 2021 ka qenë 22.33, derisa në prill 2023 ka shkuar në 17.79.

Tri problemet kryesore sipas të anketuarve mbesin papunësia, varfëria dhe rritja e çmimeve.