Kryetari i Grupit parlamentar të PDK-së, Memli Krasniqi, në konferencën e mbajtur pas takimit të Kryesisë ka thënë se PDK-ja vazhdon të qëndroj unike dhe se koalicioni ka siguruar 78 vota dhe duhen vetëm edhe 2 vota, raporton Ekonomia Online.
“Ne sot në mbledhje të Kryesisë jemi marrë me organizimin për seancat e reja dhe për vazhdimin e seancave që kanë mbetur. Ne presim që nesër të mbahet seanca dhe angazhimi i të gjithëve është që të përfundoj me sukses. Deri më tani janë siguruar 78 vota besoj se edhe dy vota do të arrihen nesër”, tha Krasniqi.
Ai ka thënë se PDK-ja është unike në votim.