Abdixhiku priti në takim nënsekretarin e shtetit finlandez Sauer, diskutohet dialogu Kosovë-Serbi

Prishtinë | 25 Qer 2021 | 10:17 | Nga Ekonomia Online

Sot, kryetari i LDK-së, Lumir Abdixhiku, i shoqëruar nga nënkryetarja Shqipe Mjekiqi dhe Teuta Sahatqija, ka pritur në takim nënsekretarin e shtetit finlandez për Politikë të Jashtme dhe Siguri, Kai Sauer.

Kryetari Abdixhiku e njoftoi Sauer për prioritetet e tij, në zhvillimin ekonomik, luftimin e korrupsionit, forcimin e sundimit të rendit dhe ligjit, si dhe për përgatitjet e LDK-së për zgjedhjet lokale. Kryetari Abdixhiku e falenderoi shtetin e Finlandës dhe Ambasadorin Sauer për angazhimin e tij personal për Kosovën.

Sauer shprehu gatishmërinë e shtetit finlandez për përkrahjen e Kosovës në proceset e saj integruese dhe zhvillimore.

Po ashtu, gjatë takimit u diskutua për procesin e dialogut Kosovë – Serbi, liberalizimin e vizave dhe thellimin e bashkëpunimit me shtetet mike rreth fuqizimit të pozicionit të Kosovës për njohje dhe anëtarësime.

Fjalë Kryesore:

Të ngjashme