Kurti: BE-ja mund të bëjë më shumë, BERZH çmohet nga shtetet e Ballkanit

Prishtinë | 24 Shk 2020 | 17:55 | Nga Ekonomia Online

Kryeministri i Kosovës, Albin Kurti, ka folur për rëndësinë e Bankës Evropiane për Rindërtim dhe Zhvillim, në suazat e samitit për investime në Ballkan, që po mbahet në Londër. Në videon e shpërndarë nga llogaria e Bankës Evropiane për Rindërtim dhe Zhvillim, Kurti u është përgjigjur pyetjeve rreth qeverisë së tij, duke thënë se ndonëse BE-ja si tërësi do të mund të bënte më shumë, Banka Evropiane për Rindërtim dhe Zhvillim është ajo që e gëzon respektin e shteteve anëtare të Ballkanit Perëndimor.

“Shtatëdhjetë vjet më parë, Evropa e kishte SHBA-në dhe Planin Marshall. Ne ndërkaq e kemi BE-në. Dhe, ndonëse ne mund të bëjmë më shumë, edhe BE-ja mund të bëjë më shumë”, ka thënë Kurti. “Sidoqoftë, diçka që vjen nga Evropa dhe të cilën e çmojmë në Ballkanin Perëndimor është BERZH, pasi që fjalë kyçe e saja janë investimet”, ka shtuar ai.

Në të njëjtën kohë, kryeministri Kurti gjatë kësaj interviste i ka shpalosur prioritetet e qeverisë së tij, ka thënë se fokus i qeverisë do të jetë sundimi i ligjit.

“Do të fokusohemi tek sundimi i ligjit, në mënyrë që ta luftojmë korrupsionin, ta ndalim korrupsionin, si dhe t’i sigurojmë investimet. Por, në anën tjetër, ne po ashtu do ta lidhim tregun e punës me arsimimin cilësor”, ka thënë ai, duke e shtuar në këtë mes domosdoshmërinë për infrastrukturë më të mirë, posaçërisht hekurudhore.

“BERZH është në e mira që mund të marrim dhe besoj se me qeverinë tonë mund të bëjmë gjëra që nuk i kemi bërë më parë. Do të fokusohemi midis tjerash në lidhjen midis Prizrenit dhe Tetovës, por edhe në rehabilitimin e hekurudhës jug-veri, nga Hani i Elezit në Leshakë”, ka thënë ai.

Western Balkans Investment Summit: PM Kosovo Albin Kurti on his country's potential

During our 2020 Western Balkans Investment Summit, our Jonathan Wells caught up with the Prime Minister of Kosovo 🇽🇰 Albin Kurti as it's his first Summit, he shared with us his impressions, vision and hopes.Fighting corruption 💪 and enabling youth are among his key priorities

Gepostet von European Bank for Reconstruction and Development (EBRD) am Montag, 24. Februar 2020


Të ngjashme