Leonora Jakupi ka kohë që nuk ka sjell ndonjë projekt muzikor për tregun shqiptar.

Këngëtarja shqiptare duket se ka lënë anash sjelljen e këngëve të reja, megjithëse para disa muajve ishte spekuluar se do të sillte një duet me Sabri Fejzullahun.

Ajo po vazhdon të shijojë jetën nga ku po sjell edhe imazhe të ndryshme në rrjetet sociale ndërsa nuk dihet se kush qëndron pas tyre.

Së fundi, këngëtarja shqiptare është parë në spitalin privat “Sistina” në Shkup, ku ka vizituar repartin gjinekologjisë.

Telegrafi ka siguruar fotografi të vizitës së bukuroshes nga Drenica, teksa priste në dhomën e pritjeve.

Nuk dihet arsyeja e vizitës së Leonorës, por mbetet të shihet në ditët në vijim se për çfarë bëhet fjalë.

Por, në rrjetet sociale tashmë kanë nisur spekulimet se këngëtarja 40-vjeçare mund të jetë shtatzënë, megjithëse zyrtarisht ajo nuk është në ndonjë lidhje.

Së bashku me këngëtaren ishin edhe deputetja Ganimete Musliu si dhe këngëtarja Vjollca Haxhiu.