Rruga magjistrale në hyrje të Shtërpcës tashmë është liruar për qarkullim.
Barrikada e vendosur nga serbët lokalë në fshatin Drajkovc është hequr dhe tashmë qarkullimi i automjeteve është duke vazhduar normalisht, raporton RTK-ja.
Barrikada ishte vendosur në orët e para të mbrëmjes nga serbët lokalë si shenjë revolte ndaj plagosjes së sotme të dy të rinjve serbë.
Policia e Kosovës ka arritur ta arrestojë të dyshuarin e plagosjes së dy të rinjve shpejt pas rastit.