Asamblisti i Lëvizjes Vetëvendosje në Prishtinë, Arianit Beqiri, ka akuzuar Lidhjen Demokratike të Kosovës për kapjen e ndërmarrjes ‘Prishtina Parking’.
Ai ma dje e ka quajtur ‘Prishtina Parkingu’ të LDK-së, parti kjo e cila aktualisht po udhëheq me Komunën e Prishtinën.
Sipas Beqirit, i cili është edhe asistent i kryeministrit Albin Kurti, “kjo ndërmarrje e kapur nga LDK, duke e emëruar Sokol Havollin në krye të saj, përveç problemeve pafund e këto ditë edhe rrahjeve, tani i paska rezervuar 6 vende të parkingut për LDK-në”.
“Prishtina, Për’sheshi i Përparim Ramës”, shkroi Beqiri në Facebook.
Paparaci kishte raportuar se njësia e Krimeve Ekonomike dhe Korrupsionit në Policinë e Kosovës ka filluar hetimet rreth zgjedhjes së Sokol Havollit kreyeshef i ndërmarrjes Publike “Prishtina Parking”.
Sipas një dokumenti të siguruar Paparaci, krimet ekonomike po hetojnë konkursin e përzgjedhjes së kryeshefit të “Prishtina Parking”.
Në kërkesën e siguruar Paparaci që Krimet Ekonomike ia kanë dërguar “Prishtina Parking” atyre u kërkohet që t’ua dërgojnë policisë; konkursin lidhur me kriteret e shpalljes për pozitën e kryeshefit në ndërmarrje, dokumentacionin e aplikimit të kandidatëve në këtë pozitë dhe proces verbalet lidhur me vlerësimin e kandidatëve.