Pjesëmarrja masive në Marshin për Drejtësi në sheshet e Prishtinës është pasqyruar edhe në mediat më të mëdha botërore.

Agjencia amerikane e lajmeve Associated Press (AP) raportoi se mijëra njerëz mbushen rrugët e kryeqytetit në marshin në përkrahje të ish udhëheqësve të UÇK-së dhe se përkrahja ishte e gjithmbarshme.

“Duke mbushur sheshet e kryeqytetit Prishtina, demonstruesit bartin fotografi të ish-presidentit Hashim Thaçi, shkruan AP.

Të gjitha partitë politike të Kosovës kanë përkrahur tubimin e së dielës. Dmonstruesit bartin pankarta me parullat “Marshojme për drejtësi”, “Liria ka emër” si dhe brohoritën në përkrahje të UÇK-së”, ka raportuar AP.

Agjencia amerikane shkruan se shumë kosovarë e konsiderojnë gjykatën në Hagë si një padrejtësi. “E shohin atë si një përpjekje për të rishkruar historinë e tyre duke thënë se ajo gjykatë po bën përpjekje të barazojë gjenocidin e Serbisë me vuajtjet e tyre”, thuhet në raportin e AP.

Ndërkaq, agjencia franceze e lajmeve AFP ka shkruar se Gjykata Speciale “është kryesisht e përbuzur nga shqiptarët e Kosovës, të cilët besojnë se gjykata po njollos trashëgiminë e veteranëve që luftuan për pavarësinë e Kosovës duke paguar çmim të lartë”.

Kjo agjenci citon kryetarin e PDK-së,. Memli Krasniqi se krerët e UÇK-së do të ngadhnjejne në Hagë.

“Ne jemi me ta përgjithmonë… dhe nuk kemi dyshim se ata do të kthehen fitimtarë siç kanë ardhur dikur si çlirimtarë sepse janë heronj të gjallë”, citohet të ketë thënë Krasniqi.