Prishtina Weather ka njoftuar se ditët në vijim do të jenë me kthjellime dhe ngrica në mëngjes.  Të premten më butë gjatë ditës, derisa në fundjavë rikthehet moti dimëror me reshje bore dhe shiu, raporton Express.

25.02 – Pas mëngjesit me ngrica, ditën më butë e kryesisht me diell, kohëpaskohe edhe me vransira kalimtare. 

26.02 – Kryesisht me vransira, vende-vende me riga lokale shiu.  Në mbrëmje vonë priten të reshura të dobëta shiu, që përzien edhe me borë.

27.02 – Ftohtë, kryesisht vranët, me reshje shiu e bore, që në mbrëmje shndërrohen në borë.

28.02 – Ftohtë, kryesisht vranët, e kohëpaskohe priten edhe reshje të dobëta bore, apo të përziera edhe me shi gjatë ditës në pjesë më të ulëta.

Temperaturat me tendencë të rënies, minimalet luhaten ndërmjet -3C e 1C, e maksimalet të premten rriten deri në 11C, e deri të dielen zbresin në 2C dhe 1C ditën e hënë.

Dominojnë erërat mesatare dhe mesatarisht të fuqishme nga verilindja me shpejtësi prej 5-12m/s, e vetëm ditën e premte fryjnë lehtë nga jugperëndimi 1-4m/s.

Shtypja atmosferike luhatet në vlera mbi normale, megjithë tendencave të rënies në fundjavë.