Një 32-vjeçar plagoset në Meje të Gjakovës, nuk e di nga kush

Foto arkiv: Ekonomia Online
Prishtinë | 26 Pri 2020 | 22:25 | Nga Ekonomia Online

Një person është plagosur në fshatin Meje të Gjakovës.

Zëdhënësi i Policisë në Gjakovë, Nysret Gjurkaj, i cili e ka konfirmuar rastin, ka thënë sende nuk dihet se kush është sulmuesi.

Ai ka treguar për Koha.net se viktima është duke u transferuar në QKUK për shkak të gjendjes jostabile të viktimës.

“Rreth orës 19:40 nga spitali Rajonal ‘Isa Grezda’, stacioni policor ka pranuar informatë se është paraqit një person i plagosur dhe kërkon tretman mjekësor. Patrulla policore është përgjigjur dhe konfirmon se i plagosuri është L.G. I lindur 1988 nga fshati Meje, Gjakovë”.

“Sipas dëshmitarit dhe vetë të plagosurit theksojnë se ishin në ecje në këmbë në fshatin Jahoc, dhe kanë dëgjuar një krismë nga arma e zjarrit dhe aty është plagosur në krahë. Të plagosurit i është ofruar tretmani mjekësor, por gjendja e tij sipas raportimit nuk është stabile dhe është në përgatitje për transfer ne QKUK në Prishtinë”.

“Vendit të ngjarjes i janë përgjigjur njësiti policore për veprime të mëtutjeshme”, ka thënë Gjurkaj.

Të ngjashme