Policia e Kosovës njofton se në bashkëpunim me Doganën e Kosovës, sot kanë parandaluar një rast të kontrabandimit me mallra.

Në brezin kufitar Maqedoni e Veriut-Kosovë, është ndaluar një i dyshuar i cili po e drejtonte një kombi/furgon me targa vendore pa patentë shofer. Gjatë kontrollit është vërejtur se personi i dyshuar kishte të ngarkuar disa pako me mallra të ndryshme si në vijim, që sipas vlerës së tregut arrijnë shifrën rreth 30.000 euro:

sirup ‘Takovo’ rreth 900 litra,

filtera Grande rreth 70000 copë,

filterë Gentelmen rreth 450000 copë,

kavanoza të qelqit me mjaltë në sasi prej rreth 1200 kg,

28 palë këpucë,

2 karrige luhatëse me pajisje përcjellëse dhe

2 pasqyra.

Me urdhër të prokurorit, personi i dyshuar u dërgua në qendër të ndalimit për 48 orë, ndërsa malli i kontrabanduar dhe automjeti u sekuestruan dhe dërguan në terminalin doganor përkatës.