Asamblisti i Lëvizjes Vetëvendosje në Komunën e Prishtinës, Gëzim Sveçla ka thënë në emisionin “Frontal” në T7 se kontakti i fundit me kryetarin e Prishtinës, Përparim Rama ka qenë në seancën ku u zgjodh kryesuesi i Kuvendit Komunal.
Ai tha se pas asaj dite nuk kanë pasur më kontakt e as nuk janë takuar me të.
“Nuk kemi pasur kontakt me z.Rama. Herën e fundit që jemi parë është në seancën ku u zgjodh Kryesuesi i Kuvendit Komunal”, ka thënë ai.
Përndryshe, Rama ka njoftuar sot se ka rezultuar pozitiv me virusin Covid-19.
Ai ka njoftuar se ka anuluar të gjitha aktivitetet e parapara dhe se punën do ta vazhdojë nga shtëpia.