Aktivistë të Partisë Socialdemokrate (PSD), kanë zhvilluar një aksion në Bibliotekën Kombëtare kundër ministres së Arsimit, Arbërie Nagavci, të cilën e vlerësuan me notë negative, raporton Ekonomia Online.

Në një librezë të vendosur nga aktivistët e PSD-së, shkruan për “dështimet” e ministres Nagavci.

Aksioni i PSD-së u mbajt në manifestimin e “Ditës së Mësuesit” në Bibliotekën Kombëtare, në të cilin ka marrë pjesë edhe kryeministri Albin Kurti.

Notë negative PSD-ja i ka vendosur në ndërtimin e çerdheve, sjelljen ndaj sindikatave dhe furnizimin me tekste shkollore. Ndërsa notë shembullore i kanë vendosur në “shkelje të Kushtetutës”, duke aluduar në rastet kur Nagavci ka bërë shkelje të institucionit më të lartë juridik në vend.