Qerkini i zhgënjyer me deputetët: S’kemi rrymë në zyre, po vonohet Projektligji i ri për Persona të Zhdukur

Prishtinë | 23 Jan 2023 | 11:02 | Nga Gzim Mujaj Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Përfaqësuesi i Shoqatës së Familjarëve të Personave të Pagjetur, Bajram Qerkini, ka adresuar një varg kritikash ndaj Komisionit për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, raporton Ekonomia Online.

Arsyeja e kritikave ishte mungesa e implementimit të Projektligjit të ri për Persona të Zhdukur, për të cilin tha se është punuar nga ish-kryeministri Ramush Hararinaj.

Qerkini tha se shumë gjera që janë premtuar nga ky Komision nuk u janë realizuar. Ai foli edhe për mungesën e rrymës në zyrat e kësaj shoqate.

“Qendra Burimore e ka atë drejtim që t’i bashkojë të gjithë ata që kanë dhimtë nga pasojat e luftës në Kosovë. Qendra burimore ka pasur takime me familjarë, me ambasada, edhe ju keni qenë pjesë e takimeve. Komisioni qeveritar ka marrë pjesë, shumë gjëra na keni premtuar dhe nuk na keni realizuar. Pse nuk po dini ju ta sillni projektligjin që sa vjet”, tha ai.

“Qe tre muaj jemi duke mundu me vendos rrymën ne zyrën e ndarë nga Përparim Rama, që tre muaj nuk kanë ardhë më rregullu rrymën”, tha ai.

Para deputetëve ai ka shprehur kritikat e tij ndaj institucioneve, duke thënë se tash e katër muaj po punojnë pa asnjë donacion.

Qerkini ka thënë se shumë nga kërkesat e tyre ishin premtuar se do të realizohen, por një gjë e tillë nuk ka ndodhur.

“Neve çdo ditë po na shkelen të drejtat e njeriut. Qe 20 vjet, a thua e kanë njohur jurispodencën, a thua nuk e dinë ABC? A thua nuk po ditkan asgjë që ta sjellin një Ligj për personat e zhdukur. Qendra Burimore do të punojë dhe nuk do të ndalet edhe pse qe katër muaj nuk kemi asnjë donacion”, ka thënë ai.

Ai ka njoftuar se muajin e ardhshëm do të ketë takim në “Lagjen e Boshnjakëve” mes serbëve dhe shqiptarëve.

“Muajin e ardhshëm do të këtë një takim në “Lagjen e Boshnjakëve” ku do të takohen shqiptaret dhe serbët dhe do të kërkojmë nga prokuroria pse nuk është duke i kryer punët e veta, po na pengojnë serbët më shku në veri. Do t’ju shkojmë rendë zyrave për procesin e personave të pagjetur. Kryesorja është që të mbështetemi nga shteti” tha ai.

Deputetja e VV-së, Labinote Demi-Murtezi, tha se ka marrë zotime nga udhëheqësi i Komisionit Qeveritar, Andin Hoti, se hartimi i draftligjit është në proces e sipër.

“Qeveria tash ka edhe Komisioni që udhëhiqet nga Andin Hoti. Ne kemi pasur në këtë Komision edhe Andin Hotin dhe ai ka thënë se është në proces të hartimit draftligjit dhe në të do të përfshihen edhe kërkesat e shoqatës. Ju jeni dhembja që e bashkëndjejmë në vazhdimësi” tha ajo.

Deputetja e PDK-së, Eliza Hoxha tha se deri më tani si komision nuk kanë kanë pranuar ndonjë nismë për ligjin e ri për personat e pa gjetur.

“Ligj të ri nuk na ka sjellë Qeveria, një ligj është në fuqi ende dhe mendoj që është mirë që ta bëni një listë se si duhet ti qasemi ligjit të ri. Në si komision nuk kemi ndonjë dokument që shteti ka nis punën për një të tillë” tha ajo.

Lexo më shumë:

Të ngjashme