Zëvendëskryeministri Driton Selmanaj, ka pritur në takim përfaqësuesit e Shoqatës së Familjarëve të Heronjve dhe Dëshmorëve të Kombit, të para luftës së UÇK-së, raporton Ekonomia Online.

Me këtë rast, zëvendëskryeministri Selmanaj u njoftua nga afër me sfidat dhe problemet që kanë kjo kategori e shoqërisë. Ai, u zotua që të adresojë kërkesat e tyre tek institucionet relevante, duke theksuar kështu angazhimin e Qeverisë së Republikës së Kosovës në trajtimin e barabartë të të gjithë personave që kontribuuan në çlirimin dhe shtet-ndërtimin e Republikës së Kosovës.