Presidentja e Kosovës, Justina Shiroka Pula, ka marrë pjesë në seancën solemne të Parlamentit të Hungarisë, të organizuar me rastin e 70-vjetorit të Revolucionit hungarez të vitit 1956.

Sipas komunikatës së Presidencës, në këtë ceremoni morën pjesë udhëheqës shtetërorë dhe përfaqësues të institucioneve evropiane e ndërkombëtare.

Gjatë seancës u nderua kujtimi i kryengritjes së popullit hungarez kundër regjimit komunist dhe ndërhyrjes sovjetike, si dhe sakrifica e qytetarëve që u ngritën në mbrojtje të lirisë dhe të drejtave të tyre.

Në fjalimet e mbajtura në këtë ceremoni, Presidenti i Hungarisë, András Baka, presidentja e Komisionit Evropian, Ursula von der Leyen, presidenti i Këshillit Evropian, António Costa, si dhe ish-sekretari i përgjithshëm i NATO-s, Jens Stoltenberg, nderuan sakrificën e popullit hungarez për liri.

Ata, po ashtu, theksuan rëndësinë e vlerave evropiane, demokracisë dhe solidaritetit.