Këngëtarja e mirënjohur shqiptare, Shyhrete Behluli, ka marrë dozën e parë të vaksinës kundër coronavirusit.

Këtë e ka bërë të ditur përmes një postimi të shpërndarë në llogarinë e saj personale, Instagram.

“Sot e mora edhe unë dozën e parë të vaksinës kundër COVID-19”, ka thënë ajo.

Artistja duket në humor të mirë, gjersa shfaqet me një fustan të bardhë e po ashtu edhe me masa mbrojtëse.

Behluli nuk është ndër yjet e vetme që ka marrë vaksinën antiCOVID, pasi deri më tani janë vaksinuar një sërë artistësh.

Robert Berisha, Era Istrefi, Loredana Zefi, Mozzik, Yllka Kuqi, MC Beka – janë ndër të famshmit e tjerë që janë vaksinuar.

Theksojmë që muajve të fundit ka rënë dukshëm numri i të infektuarve me coronavirus.