Haxhiu takon përfaqësuesit e organizatës Handicap Students of Kosova

Në takim u diskutua gjithashtu për rolin e Kuvendit në mbikëqyrjen e zbatimit të legjislacionit dhe nevojën për bashkëpunim më të ngushtë me organizatat që përfaqësojnë personat me aftësi të kufizuara.

Kryetarja e Kuvendit tha se barazia në të drejta duhet të ndihet edhe në mundësitë që secili ka për të studiuar, për të punuar dhe për të marrë pjesë në jetën publike.

“Për këtë duhet të angazhohemi të gjithë, duke i dëgjuar në radhë të parë njerëzit që përballen çdo ditë me këto pengesa”, theksoi Kryetarja Haxhiu.