Të shtëna me armë zjarri në Graqanicë, vritet një person

Një person është vrarë sot në Graqanicë, si pasojë e të shtënave me armë zjarri, shkruan Insajderi.

Lajmi për Gazetën Insajderi e ka konfirmuar Policia e Kosovës.

Vdekjen e viktimës (mashkull) e ka konstatuar ekipi mjekësor në vendngjarje.

Sipas policisë, një zyrtar policor tashmë është arrestuar si i dyshuar, rasti nën hetime.

“Prishtinë, 7 maj 2022 – Sot rreth orës 15:00, kemi pranuar informatën për të shtëna me armë zjarri, në fshatin Gushtericë e Poshtme të Graqanicës.Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të cilat kanë hasë në një person pa shenja jete”

“Personi i dyshuar ( zyrtar policor) është arrestuar ndërkohë që aktualisht hetuesit policor në bashkëpunim me IPK-në, kanë nisur një hetim për sqarimin e të gjitha rrethanave që lidhen me rastin”, ka thene Policia.