Tri raste të vdekjes dhe 140 raste të reja me koronavirus janë konfirmuar në 24 orët e fundit në vend.

Për regjistrimin e këtyre rasteve ka njoftuar Ministria e Shëndetësisë, përmes një postimi në faqen zyrtare.

MSh’ja ka njoftuar edhe për shërimin e 370 pacientëve.

Aktualisht, në gjithë vendin janë 2 mijë e 763 raste aktive.

“Gjatë 24 orëve të fundit, janë shënuar 3 raste të vdekjes. Sot janë shëruar 370 qytetarë, derisa numri i përgjithshëm i të shëruarve është 220.119. Në total numri i rasteve aktive është 2.763”, ka njoftuar Ministria.