Unioni Demokratik i Shqiptarëve, në zgjedhjet lokale të 3 marsit, për komunë të Tuzit, do të dalë e vetme në zgjedhje, transmeton Malësia.

„Është e sigurt se UDSH, më 3 mars, do të dalë vetëm pa koalicione me partnerët e koalicionit aktual. Kështu kemi bërë edhe në zgjedhjet e kaluara, pastaj kemi bërë koalicion. Nga asnjë parti ne nuk kemi kërkuar të dalim bashkë, e as ne nuk na ka ftuar kush, përveç Alternativës Shqiptare dhe Lidhjes Demokratike Shqiptare. Me ta kemi biseduar, ndërsa përgjigjën do ta fitojnë këto ditë, do të takohemi dhe do ti njoftojmë me vendimin tonë“, deklaroi për gazetën „Dan“, funksionari i UDSH-së, Fadil Kajoshaj.