Një vaksinë për hantavirusin po zhvillohet nga studiues të Universitetit të Bath-it.

Vaksina krejtësisht e re është testuar si në laborator ashtu edhe në modelet shtazore, të cilat kanë dhënë përgjigje të shkëlqyera imune, thotë universiteti.

Ekipi i hulumtimit pret të vazhdojë me provat klinike njerëzore të Fazës 1 në të ardhmen e afërt, raporton SkyNews.

Aktualisht nuk ka vaksinë efektive kundër hantaviruseve, duke i lënë popullatat e mëdha në Azinë Juglindore, Afrikë dhe Amerikën e Jugut të ndjeshme ndaj sëmundjeve që burojnë dhe transmetohen nga brejtësit”, tha profesoresha Asel Sartbaeva. 

“Ekipi ynë ka zhvilluar një antigjen të ri kundër sëmundjes Hantaan, nga grupi i hantavirusit.”

Ndërsa duhet bërë më shumë punë për ta sjellë këtë vaksinë në publik, Sartbaeva tha se ky është një “zhvillim shumë premtues” i një vaksine krejtësisht të re dhe të nevojshme.