Një 19-vjeçar ka mbetur i vdekur si pasojë e një goditje me thikë.

Ngjarja ka ndodhur në qendër të qytetit të Fierit, shkruan tvklan.

Lajmin e ka bërë të ditur korrespondentja e Klan News, Anila Sefa, e cila raporton se dyshohet që autori i ngjarjes është një 18-vjeçar.

Sipas të njëjtave burime, sherri ka nisur fillimisht në rrjetet sociale dhe më pas ka agravuar në përleshje fizike mes disa personave në qendër të qytetit të Fierit.

Dyshohet se ka qenë 18-vjeçari që ka nxjerrë thikën dhe ka goditur të riun, i cili është dërguar me urgjencë në spital, por fatkeqësisht nuk ka mundur të ju rezistojë plagëve të marra.

Së bashku me autorin që dyshohet se kreu krimin, ka qenë edhe vëllai i tij, i cili është përfshirë në konflikt me viktimën.

Raportohet se një person tjetër që ka qenë pjesë e grupit të personave të përfshirë në sherr, ka mbetur i lënduar dhe ndodhet në spital në gjendje të rëndë për jetën.

Policia ndodhet në vendin e ngjarjes dhe po heton rrethanat e krimit, ndërsa detaje të tjera pritet të mësohen në vijim.