Policia ka njoftuar se dje ka ndaluar një shofer në fshatin Prelez të Jerlive, i cili po voziste me shpejtësi 124 km/h në zonën ku shpejtësia e kufizuar ishte 60 km/h.

“Policët e Njësisë së Komunikacionit Rrugor në Ferizaj, më datë 15.11.2025 rreth orës 19:40, në rrugën magjistrale Ferizaj–Prishtinë, në fshatin Prelez i Jerlive, kanë ndaluar shoferin M.S. (37 vjeç),  i cili, duke drejtuar veturën VË Golf me targa vendore, ishte kapur duke lëvizur me shpejtësi 124 km/h në zonë me kufizim 60 km/h.”

Ai është gjobitur me 300 euro dhe ndalim të vozitjes për 3 muaj, meqë ai kishte patentë shofer të huaj.

“Për këtë kundërvajtje të rëndë, ndaj shoferit është shqiptuar gjobë prej 300 euro dhe masa e ndalimit të drejtimit të automjetit në territorin e Republikës së Kosovës për 3 muaj, pasi ai posedonte patentë shofer të huaj. Policia Rajonale në Ferizaj u bën thirrje të gjithë shoferëve që të respektojnë kufizimet e shpejtësisë, pasi paraqet rrezik serioz për jetën e tyre dhe të pjesëmarrësve të tjerë në trafik. Policia do të intensifikojë kontrollet me radarë në të gjitha rrugët e rajonit me qëllim rritjen e sigurisë rrugore dhe fton qytetarët të raportojnë çdo shkelje në numrat: 192, 0290/326-250, 0290/322-406 ose përmes aplikacionit “Lajmëro Policinë”. Të gjitha informacionet trajtohen me konfidencialitet të plotë.”