Së paku 5 autobusë me tabela zyrtare të institucioneve të Kosovës janë parë para pak minutash duke transportuar qytetarë në drejtim të Mitrovicës.

Besohet se bëhet fjalë për qytetarë nga Graçanica, të cilët po shkojnë drejt Mitrovicës Veriore, ku është paraparë të mbahet një tubim nga presidenti serb, Aleksandar Vuçiq.

Sot është dita e dytë e qëndrimit të presidentit të Serbisë në Kosovë.

Ai sot kishte planifikuar të shkonte në fshatin Banjë të Skenderajt, i banuar nga komuniteti serb, por vizita e tij është penguar nga bllokimi i rrugëve nga qytetarë të Drenicës dhe nga vendimi i kryeministrit Haradinaj për t’ia anuluar lejen për të vizituar këtë fshat.

Këto janë fotografitë me autobusët me tabela zyrtare të institucioneve të Kosovës duke shkuar në drejtim të Mitrovicës.