Distria Krasniqi po shkëlqen në Kampionatin Evropian të xhudos, që po mbahet në Podgoricë të Malit të Zi.

Kampionia olimpike e siguroi kualifikimin në finale dhe do të përballet me italianen Odette Giuffrida.

“Disi” ia doli ta mposht me mjeshtri në gjysmëfinale spanjollen Ariane Toro Soler, të cilën e hodhi në tatami me Ippon fantastik, për ta siguruar kështu të paktën medaljen e argjendtë evropiane.

Paraprakisht, Krasniqi e mposhti në çerekfinale holandezen Naomi Van Krevel.

E më herët, garuesja kosovare në të tetën e finales me lehtësi e kishte eliminuar serben Milica Nikolic, ndërsa rrethin e parë e kishte kaluar pa luftë në kategorinë deri në 52 kilogramë.