Fraser Anning, Senator në Australi, dje shkaktoi shumë zemërim pasi akuzoi myslimanët për sulmin e djeshëm në Zelandë të Re ku u vranë 49 myslimanë teksa faleshin në xhami.

“Jam kundër çfarëdo lloj dhune në komunitetin tonë dhe i dënoj veprimet e personit të armatosur në Zelandë të Re. Edhe pse ky lloj dhune kurrë nuk mund të arsyetohet, ai shpërfaq rritjen e frikës në komunitetin tonë, si në Australi ashtu edhe në Zelandë të Re nga rritja e prezencës së myslimanëve”, deklaroi mes tjerash Anning, transmeton Koha.net.

Kjo deklaratë ka shkaktuar reagime të shumta, teksa gjatë një konference për media, Anning u godit me vezë nga një 17-vjeçar.

Pasi goditet me vezë në kokë, ndodh një përleshje e shkurtër mes tyre dhe të dytë përfundojnë në tokë.