Avdullah Hoti, në emër të Grupit parlamentar të LDK-së, tha se Kosova në dialog ka një draft-platformë të dobët dhe se marrëveshjet nuk duhet të cenojnë kushtetutën dhe territorin e vendit, raporton Ekonomia Online.

“Ne besojmë që çështjet e hapura mund të zgjidhen vetëm përmes dialogut. Ne e besojmë rolin e Bashkimit Evropian dhe Amerikës në këtë proces. Marrëveshja përfundimtare me Serbinë duhet të nënkuptojë normalizim të plotë të marrëdhënieve dhe të ketë njohje”.

“Marrëveshja duhet të arrihet, duke respektuar frymën kushtetuese të Kosovës dhe të mos e cenoj territorin e vendit. Rolin dialogues duhet ta marr Kuvendi. Koalicioni PAN po qëndron dhunshëm në pushtet”, tha ai.