Kryeministri i Kosovës, Ramush Haradinaj, tha se duhet të gjendet një zgjidhje për mallin e Serbisë e pazhdoganuar që gjendet në depot e kompanive.
Ai komentojë, informatat lidhur me mallrat që kanë hyre në Kosovë para vendosjes së masës 100% për produktet e importuara me origjinë nga Serbia dhe Bosnja, raporton Ekonomia Online.
“Është një situatë e krijuar që në momentin e marrjes së vendimit tonë si qeveri, pra në atë kohë ka ekzistuar një sasi e mallit që ka qenë në Kosovë për ç’doganim dhe sipërmarrësit e Kosovës, prodhuesit, përpunuesit ata e kanë shti në Kosovë atë mall por nuk ka qenë i ç’doganuar, është një vakum i krijuar që duhet ta gjejmë një zgjidhje ligjore sepse malli është në Kosovë është i doganuar dhe nuk është i Serbisë është paguar prej tonit dhe tash i bie me ble edhe njëherë 100% dhe nuk është e drejtë”, tha Haradinaj.
Ndërsa ministri i Financave, Bedri Hamza tha se do të trajtohet me kujdes kjo çështje.
“Duke pas për bazë që qëllimi i qeverisë është ti përkrah bizneset vendore, ne do ta trajtojmë me kujdes këtë çështje”, pohoi Hamza, raporton EO.
?DREJTPËRDREJT-Qeveria e Kosovës mban mbledhjen e rregullt, nën drejtimin e kryeministrit Ramush Haradinaj
Posted by EkonomiaOnline on Tuesday, December 18, 2018