Kryetari i Vushtrrisë, Ferit Idrizi i shoqëruar nga ministri i Zhvillimit Rajonal, Fikrim Damka kanë bërë përurimin e shëtitores së re të qytetit, raporton Ekonomia Online.

Idrizi ka bërë të ditur se shëtitorja e re bri lumit Silnica, përfshin shtegun për ecje, shtegun për biçikleta, ndriçim dhe ulëset për qytetarët.

Ai ka bërë të ditur se projekti ka kushtuar mbi 146 mijë euro.

“Ky projekt shumë i rëndësishëm për qytetin tonë është bashkëfinancim i Komunës së Vushtrrisë dhe Ministrisë së Zhvillimit Rajonal”.