Kryetari i Komunës së Vushtrrisë, Ferit Idrizi, ka marrë vendim që të ndalojë ndezjen e fishekzjarrëve dhe mjeteve piroteknike gjatë festave të fund vitit, në hapësirat publike të Komunës së Vushtrrisë si dhe në zonat e banuara, rrugë, sheshe, tregje etj.
Sipas këtij njoftimi ndalesa vlen për periudhën nga data 21.12.2022 deri më 01.01.2023, me përjashtim të datës 31.12.2022, nga ora 23:00 deri në 00:30 të datës 01.01.2023.
Njoftimi i plotë:
Bazuar në autorizimet ligjore, Kryetari i Komunës së Vushtrrisë, z. Ferit Idrizi, më datë 19.12.2022, ka nxjerrë
URDHËRESË PËR NDALIMIN E PËRDORIMIT TË MJETEVE PIROTEKNIKE,
me të cilën ndalon ndezjen e fishekzjarrëve dhe mjeteve piroteknike në vendet e hapura publike, përkatësisht në zonat e banuara, rrugë, sheshe, tregje etj.
Ndalesa vlen për periudhën nga data 21.12.2022 deri më 01.01.2023, me përjashtim të datës 31.12.2022, nga ora 23:00 deri në 00:30 të datës 01.01.2023.
Personat që bien në kundërshtim me këtë urdhëresë do të ndëshkohen sipas legjislacionit të Republikës së Kosovës.