Serbët e veriut kanë organizuar protestë në lidhje me marrëveshjen për energjinë të arritur në Bruksel mes Kosovës dhe Serbisë.

“Kush i fiku dritat në veri” është motoja e protestës që do të mbahet nesër nga e organizata e ashtuquajtur “Iniciativa qytetare për mbijetesën e serbëve”.

Siç bën të ditur Kossev, protesta do të mbahet nesër në orën 19:00 në sheshin “Car Lazar” në Mitrovicë të Veriut.

Organizatorët kanë bërë thirrje që edhe serbët nga pjesët tjera të Kosovës t’i bashkohen kësaj proteste.