Vizitat nëpër Komuna të krerëve të shtetit, janë paksa të vonuara sipas kryetarit të Suharekës, Bali Muharremaj, por shumë të domosdoshme.

Ai në një intervistë për Klan Kosova tha se vizitat e kryeministrit Albin Kurti dhe presidentes Vjosa Osmani nëpër Komuna, janë të nevojshme sidomos në këtë kohë, kur po përballen me telashe të shumta, sidomos karshi ngritjes së çmimeve.

Muharremaj, tha se gjatë këtyre vizitave, liderët mund të njoftohen rrënjësisht me telashet e komunave e po ashtu edhe të qytetarëve.

I pari i Suharekës në Klan Kosova, tha se do t’i pres liderët institucional, duke e respektuar hierarkinë institucionale. Njëjtë siç do të bëjë edhe me Ministrat e Qeverisë.