Mustafa: Demaçi i duhej botës shqiptare

Prishtinë | 28 Kor 2018 | 14:48 | Nga

Kreu i Lidhjes Demokratike të Kosovës, Isa Mustafa, thotë se Ademi Demaçi i duhej botës shqiptare, në ditën e varrimit të tij.

Mustafa ka cituar ish Presidentin Rugova, i cili e kishte quajtur Demaçin shkrimtar dhe humanist të madh.

Lexoni të plotë postimin e tij në Facebook:

Lamtumirë Baca Adem! Kontributi dhe rezistenca e jashtëzakonshme e Adem Demaçit për liri gjatë okupimit serb, do të përkujtohet e do të nderohet brez pas brezi nga qytetarët e Kosovës, por edhe më gjerë.

Baca Adem ishte një disident i pathyeshëm dhe një jokonformist që i duhej botës shqiptare.
Në këto çaste më bien ndër mend fjalët e Presidentit Rugova i cili thoshte se: “Demaçi është shkrimtar i harmonisë shqiptare dhe njerëzore, humanist i madh”.

Andaj, Baca Adem, u prehsh i qetë në dheun e Kosovës së lirë, për të cilën sakrifikove aq shumë! IM

Fjalë Kryesore:

Të ngjashme